麥太：吓?噉內外全科包啲咩架? 醫生：一般嘢囉！麥太：點一般法呀? 醫生：普通病囉！麥太：點普通啊? 醫生：普普通通頭暈身焮噉囉！麥太：仲有呢? 醫生：仲有小兒驚風、外感發冷、無名腫毒、外傷骨折、四時感冒、腰酸背痛、小便不暢、脂肪積聚、性慾減退、大頸泡、大眼肚咁囉！
麥太：仲有冇呀? 醫生：仲有嗰啲皮膚痕癢、精神緊張、健忘失眠、暗瘡、頭皮、飛滋、小腸氣、腎水不足、頭暈耳鳴、口乾舌燥、生蛇生鱔、屁股生瘡、尿頻、雞眼、胃酸過多、膽固醇過高、吐血嘔奶、鼻塞塞嗰啲囉！麥太：仲有呢? 醫生：仲有發吽哣、發雞盲、發瘟發ti4揗（忳）tan4、飛蚊症、發耳䂻zaang6、口淡淡、面青青、生蟲生積、車胎肚、鬼祟肉、拜 拜肉、出水痘、生鼓脹、禿頭、大冇腦、大眼叮噹、蚊叮蟲咬、鴨乸腳、䟴腳、主婦手、香港腳… 麥太：哦!你講咗䟴腳！醫生：我幾時有講䟴腳呀? 麥太：我聽住你話䟴腳架啦！醫生：我先至唔會！
麥太：拿你明明話發吽哣、發雞盲、發瘟、黐孖筋、飛蚊症、發耳䂻zaang6、口淡淡、面青唇白、生蟲生積、車胎肚、鬼祟肉、拜拜肉、出水痘、生鼓脹、禿頭、大冇腦、大眼叮噹、蚊叮蟲咬、香港腳、鴨乸腳、同埋䟴腳啵！
醫生：我點會噉講呀? 麥太：噉你講咩呀? 醫生：講緊啲普通嘢囉! 點普通呀? 普普通通傷風咳嗽囉！
麥太：仲有呢? 醫生：仲有嘔黃膽水、夜尿、打乞嚏、流鼻涕、扁桃腺炎、腳丫痕癢、骨質疏鬆、胃腩下垂、打思肊！
麥太：好似仲有啵！醫生：仲有依個懵口懵面、戚眉戚眼、耳後見腮、尖寒尖凍、肌肉酸痛、打乞嚏、風濕骨痛、喉嚨腫痛、冤頭縮頸、腰長腳短、心神恍惚、腳仔軟軟、屙爛坺、發牙痕、汗多潮熱、脫髮甩毛、前列腺發、大眼叮噹、發嘔竇、發雞盲、發瘟、發ti4揗（忳）tan4、飛蚊症、發耳賺、髀擘擘、眼啤啤、鬼祟肉、拜拜肉、痴孖筋、長短腳、鴨那腳、主婦手、䟴䟴腳、香港腳… 麥太：拿！又講䟴腳啦！又講啦！醫生：唔，我睇你真係發耳賺啵！
真人授课